O‘zbekiston Respublikasiga qaytish guvohnomasini olish tartibi

O‘zbekiston Respublikasiga qaytish guvohnomasini olish tartibi

Ўзбекистонга қайтиш учун сиз Ватанга қайтиш гувохномасини расмилаштирингиз керак.

Керакли ҳужжатлар:

Паспорт йўқолган тақдирда-паспорт нусхаси, паспорт йўқолганлиги тўғрисида полиция бўлимидан маълумотнома, фотосурат 35х45 мм 2 дона.;

Паспорт муддати тугаган тақдирда-паспортнинг ўзи, фотосурат 35х45 мм 2 дона.;

Агар паспорт яроқсиз холга келган бўлса (йиртилган, чизилган ва ҳоказо.)- паспорт ва паспорт нусхаси, фотосурат 35х45 мм 2 дона.;

Барча ҳолларда давлат божи қиймати _60 Ақш доллари.

*Тахминан 7-14 календар кунда тайёр бўлади:

16 ёшгача бўлган болага сертификат бериш:

- Иккала ота-онанинг паспортлари;

- Никоҳ тўғрисидаги гувоҳнома;

- Боланинг туғилганлик ҳақидаги гувоҳномаси;

- Боланинг паспорти (агар мавжуд бўлса), боланинг фотосурати 35х45 мм 2 дона.

Давлат божи

10 АҚШ  доллари

Тайёрлаш учун тахминан 2 соат вақт кетади.

Эслатма:

Агар боланинг туғилганлик тўғрисидаги гувоҳномасида отаси кўрсатилмаган бўлса:

- Онанинг паспорти;

- Боланинг туғилганлик ҳақидаги гувоҳномаси;

- Боланинг фотосурати 35х45 мм 2 дона;

Агар болада туғилганлик тўғрисидаги гувоҳнома бўлмаса: туғруқхонада берилган тиббий туғилганлик тўғрисидаги гувоҳнома.

O‘zbekiston Respublikasiga qaytish guvohnomasi (sertifikat) O‘zbekiston Respublikasining chet eldagi diplomatik vakolatxonalari va konsullik muassasalari tomonidan chet elda vaqtincha yashayotgan va O‘zbekistonda doimiy ro‘xatda turgan O‘zbekiston Respublikasi fuqarolari va fuqaroligi yuq shaxslarga quyidagi holatlarda beriladi: shaxsini tasdiqlovchi hujjatini yuqotgan, hujjati yaroqsiz holga kelgan, muddati o‘tgan, hujjatning varaqlari tugagan, avval passport bilan rasmiylashtirilmagan fuqarolarga.

Sertifikatni olish uchun arizachi O‘zbekiston  Respublikasi  Tashqi ishlar vazirligininig interaktiv Konsullik hizmati (http://consulate.mfa.uz/) web-saytida joylashgan dasturi orqali shaxsni tasdiqlash haqidagi so‘rovnoma – arizasini to‘ldirilib unga elektron fotosuratni biriktiriladi va ikki nushada chop etiladi.

Sertifikatni olish uchun arizachi Konsullik muassasasiga quyidagi hujjatlarni taqdim qiladi:

- qog‘ozda   chop   etilgan,   arizachinig   imzosi   qo‘yilgan,  bar-kodli  ko‘rsatilgan elektron so‘rovnoma – arizasi, 2 nusxada; 
-2 dona rangli fotosurat (3,5х4,5см); 
- muddati   o‘tgan,   yaroqsiz    holga    kelgan,    viza     varaqlari    tugagan shaxsni tasdiqlovchi hujjat; 
- shaxsni  tasdiqlovchi  hujjat  yuqolganda  -  yuqolgan  shaxsni  tasdiqlovchi  hujjat yoki shaxsni tasdiqlovchi boshqa ma’lumotnoma nusxasi  va shaxsni  tasdiqlovchi  hujjat yuqolganligi haqida  vaqtincha yashayotgan joydagi vakolatli idoralarning ma’lumotnomasi (imkoniyat darajasida); 
- avval passport bilan rasmiylashtirilmagan fuqarolar uchun – ularning  tog‘ilganlik haqida guvohnomasi va ota-onasining pasportlaridan nusxa; 
- konsullik to‘lovlari kvtansiyasi yoki cheki.

Arizachiga sertifikat O‘zbekiston Respublikasi vakolatli idoralari tomonidan uning shaxsi tasdiqlangandan so‘ng beriladi.

Sertifikat bir oydan, alohida vaziyatlarda (kasalligi tufayli, hibsda saqlanayotgan xolda, yashayotgan davlatda kosullik muassasalari bolmagan taqdirda)  uch oy muddatga beriladi. Sertifikatning muddati uzaytirilmaydi.

Sertifikat har bir kishiga alohida rasmiylashtiriladi. Sertifikatga bolalar yozilmaydi.

Shaxsni tasdiqlovchi hujjat yaroqsiz holga kelgan, muddati o‘tgan va viza varaqlari tugagan holda mazkur hujjat Konsullik muassasasiga topshirishi lozim.

Arizachi O‘bekistonga kelgandan so‘ng 10 kundan kech bo‘lmagan muddat ichida Sertifikatni doimiy yashash joyidagi ichki ishlar idoralariga pasport olish uchun topshirishi lozim.

O‘zbekiston Respublikasiga qaytish guvohnomasini olish uchun 50 AQSh dollari miqdoridagi konsullik to‘lovlari va 5 AQSh dollari miqdoridagi ma’muriy harajatlar olinadi. Bunda 16 yoshga to‘lmagan bolalar  konsullik to‘lovlaridan ozod etiladi.

Quyidagi holatlar arizachiga Sertifikat berish rad etilishi mumkin:

-o‘zi yoki   shaxsini   tasdiqlovchi   hujjatning   yo‘qolganligi   to‘g‘risida   yolg‘on ma’lumotlar bersa; 

-taqdim qilinishi lozim bo‘lgan hujjatlar va ma’lumotlat belgilangan talablarga mos kelmasa (hujjatlar etarli emas, so‘rovnoma – arizasidagi ma’lumotlar aniq va to‘liq emas).

Qoshimcha malumot olish uchun  +74992300076  yoki  +74992383620 telefon raqamlariga  qo'ng'iroq qilishingiz mumkin.