O'zbekiston Respublikasining Rossiya Federatsiyasidagi elchixonasi

Konstitutsiyaviy islohot

O'zbekiston Respublikasi Markaziy saylov Komissiyasining navbatdagi majlisi  joriy yilning 28-iyun kuni bo‘lib o‘tdi. 

Majlisda davlatimiz rahbarining taklifiga binoan joriy yilda mamlakatimiz Konstitusiyasini isloh qilish bo‘yicha o‘tkaziladigan referendumga puxta tayyorgarlik ko‘rishga doir masalalar muhokama qilindi.

MSK a’zolari, Kotibiyat mas’ul xodimlari, OAV vakillari ishtirok etgan majlis kun tartibidan O‘zbekiston Respublikasi referendum okruglari hamda referendum o‘tkazuvchi okrug komissiyalari to‘g‘risidagi, O‘zbekiston Respublikasi Referendum uchastkalari hamda uchastka komissiyalari to‘g‘risidagi nizomlarni tasdiqlash, Referendum o‘tkazuvchi komissiyalar a’zolarining malakasini oshirishni tashkil etishga oid masalalar o‘rin oldi.

Majlisda ta’kidlanganidek, O‘zbekiston Respublikasi referendum okruglari hamda referendum o‘tkazuvchi okrug komissiyalari to‘g‘risidagi, Referendum uchastkalari hamda uchastka komissiyalari to‘g‘risidagi nizomlar O‘zbekiston Respublikasining Referendumi to‘g‘risidagi O‘zbekiston Respublikasi qonuni talablaridan kelib chiqib ishlab chiqilgan. Nizomlar o‘z ichiga komissiyalar a’zolariga qo‘yiladigan talablar, komissiya a’zolligiga nomzodlarni tavsiya qilish, komissiya tarkibidan chiqarish yoki tarkibini o‘zgartirish, komissiya faoliyatini tashkil etish, komissiyalarning vakolatlari, ularning ishini rejalashtirish va tashkil qilish, uchastka komissiyasi joylashgan bino va ovoz berish xonalarini jihozlash, ovoz beruvchi fuqarolar ro‘yxati, muddatidan oldin ovoz berish, uchastka komissiyasi tomonidan referendum kuni amalga oshiriladigan vazifalar, ovoz berishni tashkil etish kabi talab va tavsiyalarni qamrab olgan.

Shuningdek, referendum o‘tkazuvchi komissiyalar a’zolarining malakasini oshirishni tashkil etish, ularni saylov qonunchiligidan xabardorligini kuchaytirish muhim ahamiyatga ega.

Majlisda referendum o‘tkazuvchi komissiyalar a’zolarining malakasini oshirishni tashkil etish konsepsiyasi loyihasi muhokama etildi. Unga ko‘ra, Markaziy saylov komissiyasi kotibiyatining Saylov qonunchiligi va zamonaviy texnologiyalar bo‘yicha o‘quv markazi yuqori malakali ekspertlar bilan birgalikda zamonaviy ta’lim texnologiyalarini qo‘llagan holda referendum o‘tkazuvchi komissiyalar a’zolarining referendum qonunchiligi va ovoz berishda zamonaviy axborot texnologiyalarini qo‘llash bo‘yicha nazariy bilimi hamda amaliy ko‘nikmasini oshirishga qaratilgan seminar-treninglarning o‘quv dasturlari va o‘quv-uslubiy materiallarini o‘zbek, qoraqalpoq va rus tillarida ishlab chiqish vazifasi belgilandi.

Majlisda ko‘rib chiqilgan masalalar yuzasidan tegishli qarorlar qabul qilindi. Komissiya vakolatiga taalluqli boshqa masalalar ham ko‘rib chiqildi.

Markaziy saylov komissiyasi
Matbuot xizmati

...
Interaktiv konsullik xizmatlari
...
Prezident matbuot xizmati
...
O’zbekiston Respublikasi Oliy Majlisi Qonunchilik Palatasi
...
O’zbekiston Respublikasi Oliy Majlisi Senati
...
Toshkent xalqaro turizm yarmarkasi
...
E-navbat
...
e-visa.gov.uz
...
O‘zbekiston Tashqi ishlar vazirligi
...
O‘zbekiston Respublikasi Investitsiyalar va tashqi savdo vazirligi
...
O'zbekistonda turizm
...
O'zbekistonda turizm
...
O`zbekiston Respublikasi davlat statistika qo`mitasi
...
O`zbekiston Respublikasiga qaytish uchun yo'riqnoma va sertifikat rasmiylashtirish tartibi
...
ЎЗБЕКИСТОН РЕСПУБЛИКАСИ ДАВЛАТ АКТИВЛАРИНИ БОШҚАРИШ АГЕНТЛИГИ
...
VIZA
...
“Tashkent Law Spring” III Xalqaro yuridik forumi
...
ГОСУДАРСТВЕННЫЙ КОМИТЕТ ПО ОБОРОННОЙ ПРОМЫШЛЕННОСТИ