Turkiyada bo‘lib turgan O‘zbekiston fuqarolari parlament saylovida muddatidan oldin ovoz berish jarayonida ishtirok etmoqda
2019-yilning 12-dekabr kuni ertalab soat 8:00 da (Toshkent vaqti bilan soat 10:00) O‘zbekistonning Anqara shahridagi (Turkiya) Elchixonasi Konsullik bo‘limida muddatidan oldin ovoz berish boshlandi.
O‘zbekiston Markaziy saylov komissiyasining qaroriga ko‘ra Turkiya hududida 2 ta – Anqara shahridagi Elchixonada uchinchi va Istanbul shahridagi Bosh konsulxonada 23-saylov uchastkalari tuzilib, Oliy Majlisi Qonunchilik palatasi deputatlari saylovini o‘tkazuvchi 148-Shayxontoxur saylov okrugiga biriktirildi.
Anqara shahridagi 3-saylov uchastkasi manzili: Chankaya-Yildiz tumani, Sanjak mahallasi, 549-ko‘cha 3-uy. Telefon: +90 312-441-38-71, +90 312-441-17-46.
Istanbul shahridagi 23-saylov uchastkasi manzili: Beshiktosh tumani, Lale-Levent ko‘chasi 8-uy. Telefon: +90-212 229-00-75, +90-212 323-20-37, +90-552 450-91-02.
Ushbu saylov uchastkalarida Turkiya va Bolgariyadagi fuqarolarimiz ovoz berishlari mumkin.
Saylovchilar ro‘yxatiga kirish uchun hamyurtlarimiz Anqara yoki Istanbul shaharlaridagi uchastka saylov komissiyasiga bevosita yozma shaklda murojaat qilishlari mumkin.
O‘zbekiston fuqarolarining saylov huquqlarini ta’minlash maqsadida 3-saylov uchastkasi komissiyasi quyidagi manzillarda muddatidan oldin ovoz berishni tashkillashtirishni rejalashtirmoqda:
- 12-18-dekabr kunlari soat 8.00 dan 20.00 gacha Chankaya-Yildiz tumani, Sanjak mahallasi, 549-ko‘cha 3-uyda joylashgan O‘zbekistonning Anqara shahridagi Elchixonasi Konsullik bo‘limida;
- 14-dekabr kuni soat 8.00 dan 20.00 gacha Karabuk shahri Kilavuzlar Kuyu mahallasi Ute Karshi Universitet ko‘chasi 1-uy manzilida joylashgan Karabuk universiteti “Tibbiyot” fakultetining rasmiy tadbirlar zalida;
- 14-dekabr kuni soat 8.00 dan 20.00 gacha Karabuk shahri Kilavuzlar Kuyu mahallasi Ute Karshi Universitet ko‘chasi – Karabuk universiteti Texnokent binosida;
- 15-dekabr kuni soat 8.00 dan 20.00 gacha Kastamonu shahri, Markaz, General Atilla Atesh Poshsho ko‘chasi – Kastamonu universiteti Bilgehan Markaziy axborot kutubxonasining rasmiy anjumanlar zalida;
- 15-dekabr kuni soat 8.00 dan 20.00 gacha Kastamonu shahri, Markaz, General Atilla Atesh Poshsho ko‘chasi – Kastamonu universiteti rasmiy anjumanlar zalida;
- 17-dekabr kuni soat 8.00 dan 20.00 gacha Konya shahri Seljuklu tumani Ismetpasha ko‘chasi – Saljuq universiteti rasmiy anjumanlar zalida;
- 18-dekabr kuni soat 8.00 dan 20.00 gacha Karaman shahri, Markaz, Ibrohim O‘ktam ko‘chasi – Karamanoglu Mehmetbey universiteti rasmiy anjumanlar zalida.
