O'zbekiston Rossiyaning "Путешествуй!" nomli forumi hamkori
4-7-avgust kunlari Moskvada ВДНХ Sanoat maydonida boʻlib oʻtadigan “Путешествуй!” Xalqaro turistik forumida Oʻzbekiston hamkor mamlakat sifatida ishtirok etadi.
Tadbir Roskongress fondi tomonidan tashkil etilgan. O‘zbekistondan esa tashkilotchilar – O‘zbekiston Respublikasi Turizm va madaniy meros vazirligi, “Milliy PR markazi” va DUK “O‘zbekiston havo yo‘llari” Milliy aviakompaniyasi ko‘magida tashkil etilgan.
Forumda O‘zbekiston delegatsiyasi bir vaqtning o‘zida ikkita stendni taqdim etadi: biznes stend va mamlakatimizning turizm salohiyati va madaniyatiga bag‘ishlangan stend.
55-pavilonda joylashgan biznes-stendda to'rt faslga mo'ljallangan jahon sifati darajasidagi tog‘ kurorti “Amirsoy” kurorti, yangi “Ipak yo‘li Samarqand” sayyohlik majmuasi, “Ipak yo‘li” xalqaro turizm universiteti, shuningdek, sayyohlik koroxonalari haqida ma’lumotlar berilgan.
O‘z navbatida, 55-pavilonga tutash hududda O‘zbekistonning turizm salohiyati va madaniyatiga bag‘ishlangan stend joylashtiriladi. Bu yerda Oʻzbekiston delegatsiyasi xunarmandlarning asarlaridan namunalar, Oʻzbekiston milliy taomlari, turli turizm yo'nalishlari to'grisida maʼlumotlar taqdim etadi, shuningdek, Oʻzbekistonda ishlab chiqarilgan vinolarni tatib koʻrish va hunarmandchilik buyumlarini tayyorlash boʻyicha mahorat darslarini tashkil etadi. Tadbirda zamonaviy turizm industriyasining xilma-xilligi namoyish etiladi. Ya'ni: tarixiy, etnografik, ekstremal, sport, gastronomik, ziyorat sayohatlari va boshqa ko'plab sayohat turlari O'zbekistonda bugungi kunda nafaqat mavjud, balki juda mashhur. “O‘zbekiston havo yo‘llari” milliy aviakompaniyasining Rossiya shaharlaridan amalga oshirilayotgan reyslar soni ham sayyohlarni hayratda qoldiradi.
Hech kimga sir emaski, bugun O‘zbekiston haqiqiy sayyohlik bumini boshdan kechirmoqda: bu yil unga rekord darajadagi rossiyaliklar tashrif buyurishdi. Samarqanddagi Registon maydoni, Xivadagi Ichan-qal'a qal'asi, Buxoroning eski shahri, Toshkentdagi sovet modernizmi yodgorliklari - bular mashhur Ipak yo'lidagi eng mashhur diqqatga sazovor joylardir. Forumda mehmonlar O‘zbekiston bo‘ylab sayohat qilish imkoniyatlari – sharqona me’morchilik durdonalari bilan qadimiy madaniyatning haqiqiy vohasi va ta’tilni maksimal qulaylik bilan o‘tkazish imkonini beruvchi jadal rivojlanayotgan sayyohlik infratuzilmasi haqida ma’lumot olishlari mumkin.
Ta’kidlash joizki, O‘zbekiston xalq amaliy san’atining qadimiy an’analarini asrlar davomida saqlab kelayotgan hunarmandlar yurtidir. Ipak matolari, zardo‘zlik, sopol buyumlar, idish-tovoqlarni mamlakatda xarid qilish har qanday mehmon uchun unutilmas tajriba bo‘ladi. Forumda nafaqat O‘zbekiston moddiy merosining eng yaxshi namunalarini shaxsan o‘zi kuzatish, balki qadimiy hunarmandchilikka ham tom ma’noda ko'zdan kechirish mumkin bo‘ladi.
O‘zbekiston ulkan sarmoyaviy salohiyatga ega, iqtisodiyoti rivojlanayotgan davlatdir. Forum doirasida Oʻzbekiston delegatsiyasi Rossiya Federatsiyasi davlat tashkilotlari vakillari bilan muzokaralar oʻtkazadi, ikki mamlakat turizm industriyasi subʼyektlari bilan B2B formatda uchrashuvlar tashkil etadi, yalpi muhokama va konferensiyalarda ishtirok etadi.
O‘tkazilish joyi: 55-pavilon va uning atrofida
Ko'rgazmaning ish vaqti: 4 dan 7 avgustgacha
“O‘zbekiston” pavilonining ochilishi 4 avgust kuni soat 13.00 da 55-pavilon yonidagi ma’ruza zalida bo‘lib o‘tadi.
Palov tarqatish 4-6 avgust kunlari bo‘lib o‘tadi.
